माझ्या
जुन्या घराच्या उंबरठ्यावर
लखलखणारे अजून तोरण
तू स्पर्शिल्या रांगोळीला
तुझेच अजूनी तरूण कोंदण
तू
मला अर्पिल्या त्या क्षणांचे
माझ्यापुरते आयुष्य चिरंतन
तारूण्य तुझे ते न सरणारे
जोवरी माझे श्वास निरंतर
तुझ्या
मोहाचे अत्तर जडशीळ
देहातून गेले कधीचे सांडून
अंत ना पण तुझ्या असण्याला
दर्पणी अजूनी तुझेच स्पंदन
माझ्या
जुन्या घराच्या उंबरठ्यावर
लखलखणारे अजून तोरण
तू स्पर्शिल्या रांगोळीला
तुझेच अजूनी तरूण कोंदण
No comments:
Post a Comment