आई

आई

रात्रीतून,

तीनतीनदा  उठून…

पांघरूणातून  बाहेर  आलेले

इवले इवले हात  पाय

आई लपेटते

पुन्हा पुन्हा

मायेच्या  गोधडीत…

अंथरूण  झालेलं  पांघरूण

पुन्हा  करते  नेटकं.

आईच्या  अंगी

साठत  जाते उब

ईश्वराच्या  मनातल्या

गाभ्यातली.

आई होत जाते

अधिकाधिक  उबदार

पौषातल्या  चढत्या

थंडीच्या  प्रत्येक रात्रीबरोबर…

                                    31/12/2017

-- गणेश गोडसे ---

सखा

आनंदाने माझ्याशी फारकत घेतली
त्याला खूप युगे लोटली...
मी
एकाकी असाच
आनंद सहृदयी मात्र
अजूनही
सांत्वनासाठी येतो
कधीमधी
माझ्याकड़े
माझा भलताच
सहनशील सखा...